Ancjemò une volte il mestri rus a Tavagnà

da Andrea Ioime

Un musicist che al à volût simpri lâ ‘indenant’, cjatant inte sô straordenarie maniere di sunâ il piano une ispirazion simpri gnove e origjinâl ancje par interpretâ il repertori plui classic. Ancjemò une volte, Grigory Sokolov al presente lis sôs interpretazions poetichis inte stagjon dal “Bon” di Culugne, martars ai 13 tal Teatri di Felet. Il pianist rus al è une stele internazionâl e al sune cuntune intensitât mistiche e cuntune cognossince profonde des oparis che a fasin part dal so larc repertori. I programs dai siei recital a cjapin dentri ogni robe, des trascrizions de polifonie sacre medievâl a dut il repertori classic e romantic, fin aes composizions dal secul vincjesim. (A.I.) – 13.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui