Ancje lis Zornadis dal cine mut a celebrin Vignesie

Lis Zornadis dal Cine Mut (“Giornate del cinema muto”), jù pe 41^e edizion dal 1ⁿ ai 8 di Otubar dal 2022, a celebraran i 90 agns de Mostre internazionâl di art cinematografiche de Bienâl di Vignesie (“Biennale di Venezia”) cu la sezion speciâl “Venezia 90”. A Pordenon si viodaran, in versions da râr mostradis, i cuatri cines muts proietâts ae prime Mostre dal 1932. Doi di chescj a saran proietâts sabide ai 9 inte Sale grande dal Palaç dal cine di Vignesie par sierâ la zornade di celebrazion pai 90 agns de Mostre: il documentari mut “Regen” (Ploie) e “Gli uomini, che mascalzoni…”, la comedie plui innomenade dal grant regjist Mario Camerini, in presince de fie Manitta Camerini. (A.I.) – 05.07.2022