Ancje in Friûl la “Zornade dai Pink Floyd”

Ai 2 di Mai al ven fûr tai negozis e in digjitâl un dai discs mitics dai Agns Setante, il “Live at Pompeii” dal innomenât grup inglês Pink Floyd. Il documentari zirât tal 1972 in Italie al è za tes salis cinematografichis, ma ducj i passionâts di musiche rock ‘classiche’ a spietin cheste gnove version dal disc: in cd, in vinîl, cul sunôr in “Dolby Atmos”… Vinars al sarà “la zornade dai Pink Floyd” in ducj i negozis de Italie (in Friûl: “Musicatelli” a Pordenon e “Discorso” a Sacîl. “L’angolo della musica” di Udin, invezit, al è stât sielt cun cualchi altris lûc selezionât in dut il Paîs par une “gnotolade di viertidure” speciâl, za Joibe al Prin di Mai! (A.I.) – 30.04.2025