Amîs de musiche: si siere cun Paganini

I Amîs de Musiche di Udin a sierin la lôr stagjon numar 194 cuntun conciert di no pierdi, in omaç a Niccolò Paganini, considerât il pari de tecniche dal violin e il re dai virtuôs. Sul palc di sene, l’Ensemble Paganini di Viene, specializât tal interpretâ il repertori dal grant compositôr di Gjenue, al sunarà tal “Palamostre” miercus ai 8, aes 7:22 sot sere. Il grup, fondât tal 2019 tant che “ambassadôr european” dal progjet Paganini e cul fin di promovi la ereditât dal compositôr ufrint un râr repertori par violin, ghitare, viole e violoncel, al è cumò intune tournée ator pe Europe che e cjape dentri Viene, Londre e Madrid dongje di Udin. Il program de serade, intitulât “Mostly Paganini”, Plui che altri Paganini, al cjape dentri ancje un tribût a Franz Liszt. (A.I.) – 07.04.2026