Ambra Angiolini te Italie dai Agns Sessante

da Andrea Ioime

Une storie di îr e di vuê, che e fevele di libertât, civiltât e riscat: la atore Ambra Angiolini, miercus ai 24 tal Teatri “Verdi” di Gurize e interpretarà “Oliva Denaro”, un spetacul gjavât fûr dal romanç di Viola Ardone ispirât ae storie di Franca Viola, la fantate siciliane che a metât dai Agns ’60 e fo la prime, dopo une violence, a refudâ chel che i disin “matrimoni riparadôr”. Il spetacul, cu la dramaturgjie e la regjie di Giorgio Gallione, al vierzarà la sezion “Verdi Racconta”. Il romanç al cjape apont ispirazion di chê vicende, le riclame e le torne a fâ sù, tornant a inventâ la realtât inte magjie de conte. Ambra e conte la storie di Franca al contrari, di cuant che e jere fantaçute fin al moment che, cuntune decision che e dismôf scandul e maravee, soredut parcè che mai viodude prime rivoluzionarie, e olse di dî no ae violence. (A.I.) – 23.01.2024

Foto di Carlo Mogiani

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui