Dopo il sucès dal passât Istât, il Pordenone blues & Co. Festival al à anunziât la trentesime tierce edizion, presentant il prin grant avigniment in cartelon te prossime stagjon dal vîf: sul palc l’american Alice Cooper pe uniche tape taliane dal so tour european, previodude par miercus ai 10 di Lui dal 2024 li dal Parc S. Valentino di Pordenon. La icone dal rock, che al passe almancul sîs mês par an in tour in zîr pal mont, al puartarà chi il so psicodrame in musiche che al à fat tremâ e entusiasmâ il mont. Chest an Vincent Furnier (il vêr non daûr de mascare) al à publicât il gnûf album “Road”. I biliets a son za disponibii in prevendite su www.ticketone.it e in ducj i ponts vendite autorizâts Ticketone. (A.I.) – 07.11.2023
Foto di Road Press Pictures
