Al Visionario, Udin e devente capitâl de danze al cine

Joibe ai 16 e vinars ai 17 al Visionario di Udin al scomence “Ultra Screendance Festival”, la prime rassegne di video e danze in Friûl-Vignesie Julie, inmaneade di Francesco Collavino, che al trasformarà Udin intun centri european dulà che la danze e il lengaç dal cine si cjatin. A saran 23 i curtmetraçs e medimetraçs presentâts, che a vegnin di 18 Paîs dal mont, intune grande varietât di stîi cinematografics, di astrazions visivis sureâls cun narazions rigorosis, un cine stimolant e cualchi volte provocatori, tal stes timp opare cinematografiche e spetacul. Ultra al è organizât cu la poie dal CEC – Centro Espressioni Cinematografiche e la colaborazion internazionâl dal “Dance ON Screen FilmFestival” di Graz, che intai siei siet agns di vite al à presentât plui di tresinte peliculis. (A.I.) – 15.03.2023