Al torne il concors par bandis zovinis

Si tignarà ai 6 e ai 7 di Avrîl tal Teatri gnûf “Giovanni da Udine” la cuarte edizion di “Musicup”, il concors internazionâl par bandis zovinis, inmaneât dal Cuarp bandistic “Rossini” di Cjasteons di Strade cul patrocini di une schirie di istituzions e la poie di Danieli, Fondazione Friuli e tancj altris. Nassût intal 2016 cun cadence bienâl, sospindût par vie de pandemie, al viodarà chest an 11 formazions in gare, cun 350 fantats che a vegnin di Italie, Austrie, Slovenie e Gjermanie, che a vignaran judicâts di une jurie di musiciscj esperts. La direzion artistiche e je stade confermade a Fulvio Dose. (A.I.) – 05.04.2024