Al ‘Teatron’ al torne sul palc un classic dal cine

Il grant ‘musical’ al torne al Teatri Gnûf “Giovanni da Udine” di vinars ai 2 fin a domenie ai 4 di Dicembar, cun dôs stelis de television, Diana Del Bufalo e Baz, ae vuide di une compagnie di 22 balarins, cjantants e atôrs. Sul palc par “Sette spose per sette fratelli”, senografiis inmagantis e costums maraveôs, progjetâts daûr dai schemis estetics e spetacolârs di Broadway e dal West End. Il risultât, cu la  regjie e lis coreografiis di Lucio Cannito, al è ispirât ae opare omonime nassude di un cine jentrât te storie, diret di Stanley Donen, ma cuntune voglade al mont ironic dai western di Quentin Tarantino. (A.I.) – 01.12.2022