Al Palamostre un cuartet innomenât de Lituanie

Il cuartet Čiurlionis, simbul de tradizion lituane di musiche di cjamare, al è l’ospit dal conciert organizât dai Amîs de Musiche di Udin, miercus ai 13 tal Palamostre cun principi aes 19:22 (simpri par memoreâ l’an di nassite, il 1922). Fondât intal 1968 de Societât Filarmoniche Nazionâl Lituane, il grup al cjape il non dal compositôr Mikalojus Konstantinas Čiurlionis e al à fat passe trê mil concierts in dute Europe, in Orient e di là dal ocean. Espert di musiche classiche, romantiche e contemporanie, cuntun repertori che al cjape dentri plui di 300 oparis di variis epochis, pe ocasion al presentarà un program di musichis di Mendelssohn. (A.I.) – 12.03.2024