Al “Mittelfest” une zornade di feminis

Rivât ae cuarte zornade, martars ai 22 il “Mittelfest” di Cividât si môf dal passât al dì di vuê, con lengaçs bogns di contâ la libertât, la lote e la bielece. In place Domo sot sere e je in program la prime nazionâl di “Lay this drum!”, un spetacul di percussions fat dome di feminis, firmât de francese Compagnie du Scopitone, di cinc agns ator pe Belgjiche e la France, une des rivelazions europeanis dai spetacui musicâi. Prime di chel, te glesie di S. Francesc, la Big Band Jazz dal conservatori “Tomadini” di Udin e propon “Jazz Tabù”?, un omaç ae musiche ‘improibide’ ai timps des ditaturis in Europe. E tal Curtîl di Firmine, dople proiezion de rassegne dentri de rassegne “Mittellimmagine”, cun doi documentaris che a contin la Palestine viodude de bande des feminis. (A.I.) – 21.07.2025