Al Lât di Cjavaç la musiche ‘a bas impat’

Domenie ai 11 al Centri Visitis dal Ecomuseo Val del Lago, inte suaze dal Lât dai trê Comuns (o di Cjavaç), aes 11.30 si matine si scree “Eco&Notes”, un progjet di Slou e Farfalle nella Testa, dôs cooperativis furlanis che si interessin di turisim, divulgazion naturalistiche e culturâl e valorizazion di teritoris margjinâi. Cheste e je une gnove rassegne musicâl itinerante fate di musiche a “bas impat” e a “volum limitât”. Ae musiche si zontin fotografie, video, land-art, enogastronomie, artesanât, art… A screâ la rassegne, che il mês che al ven e tocjarà ancje Vençon, Resie, S. Zuan di Landri, Cjamin di Codroip, Maran, e viodarà protagonist Donpasta, o sedi Daniele De Michele, un Dj apassionât di cusine, che al presente il so “Jazz & Food Sun System”. (A.I.) – 09.06.2023