Al cine une pelicule “di cult” di cincuante agns indaûr

Intune gnot scure e di tampieste, une cubie di morosuts un tic biâts, cu la machine che no funzione, e va a finî dentri dal cjistiel di un sienziât une vore stramp, il dotôr Frank-N-Furter. Al è dome che inizi di une storie di musiche, ses e matetât di un cine di cult che al savolte ogni regole cuntune grande ironie e ancjetante libertât. Il cine cence creance “The Rocky Horror Picture Show” al torne sul grant schermi inte version restaurade a 4k in ocasion dal so cincuantesim aniversari. Achì di nô, al è in program di lunis ai 27 e fint a miercus ai 29 tal Visionario di Udin e li di Cinemazero a Pordenon. Diret di Jim Sharman, al à gjavât di un musical pal teatri scrit di Richard O’Brien (che al à une part impuartante ancje te pelicule) e al è un di chei cines cun cetancj passionâts che a van a viodilu ogni volte che al torne fûr, dispès ancje mascarâts compagn dai personaçs de storie. (A.I.) – 27.10.2025