Al “Bon” une serade di spetacui par memoreâ il taramot

Une storie autentiche, creade traviers di imagjins ziradis cincuante agns indaûr de bande di cui che al à vivût di prime man il taramot dal Friuli. Miercus ai 15, tal curtîl interni Fondazion “Luigi Bon” di Culugne, si davuelzarà une serade dedicade ae memorie dal taramot dal 1976 cun musiche e cine. L’event al scomençarà cuntun conciert dai GreenTea inFusion, un grup di jazz, fusion e world music. Dopo di chel e sarà une proiezion dal documentari “Quell’estate del 1976”, Chel Istât dal 1976, creât dal regjist Massimo Garlatti-Costa doprant i cines origjinai di Riedo Feruglio, un regjist amatoriâl di Felet, recuperâts, restaurâts e mudâts intune narazion cinematografiche. Il documentari al puarte il spetatôr intun viaç che, scomençant di Colorêt fi Montalban, al passe traviers Glemone dal Friuli, Maian e cetantis altris lûcs sdrumâts dal taramot. (A.I.) – 14.07.2026