Al “Balducci” conciert solidari dai Forever Mats

Sabide ai 16 li dal centri “Ernesto Balducci” di Çuian si davuelzarà il conciert acustic dai Forever Mats, cul titul “Oltre il buio che c’è”, un viaç artistic ae scuvierte dal om. Il conciert al presente 22 tocs che a van dal rock al blues, de cjançon di autôr taliane e foreste, alternâts di leturis, riflessions, fotos e videos di art. La jentrade, a ufierte libare, e larà ae associazion di volontariât “Pane Condiviso”, che dal 1983 e ufrìs un jutori economic, ma ancje di personis, par Haiti e il Perù. (A.I.) – 15.03.2024