Aimard, la “prime” a Udin cuntun tribût

Il pianist francês cuntune cariere internazionâl Pierre-Laurent Aimard al rive tal Teatri gnûf “Giovanni da Udine” joibe ai 22 par un conciert esclusîf pe Italie dal Nord che lu viodarà sunâ pe prime volte sul palc di Udin. Prime di chel, aes sîs sot sere, une lezion di aprofondiment dal titul “Prendi Nota. Diario intimo: poetiche del frammento nella Mitteleuropa” (Cjape note. Diari intim: poetiche dal frament inte Europe centrâl) dal pianist e scritôr Luca Ciammarughi. Aclamât dai critics pes sôs interpretazions impuartantis dal repertori al piano, ma soredut pe sô passion pe musiche dal vincjesim secul e contemporanie, Aimard al presentarà un program che al cjaparà dentri tocs di Bach, Schubert e un tribût a György Kurtág, cent agns daspò de sô nassite: un mestri che al à mudât il “frament” intun lengaç universâl. (A.I.) – 21.01.2026