Ae Universitât la musiche dai Asburcs

“Il Seicento alla corte degli Asburgo” al è il titul dal conciert che l’Ensemble Praetorius al presente ae Universitât di Udin joibe ai 24, aes 6 di sere, inte aule 4 di Palazzo Antonini. Un viaç musicâl tra Italie e Austrie, inmaneât de associazion Biblioteca Austriaca, che al vûl puartâ il public intun percors di union tra lis culturis e i stîi musicâi talians e austriacs tal Sietcent. Al centri dal conciert, lis musichis di compositôrs austriacs che a son stâts influençâts de culture musicâl taliane. (A.I.) – 23.11.2022