Ae scuvierte dal confin cuntun percors vuidât

La capitâl europeane de culture Gurize/Gnove Gurize e presente doi dîs di events par rifleti e partecipâ ae riscuvierte dal confin e des sôs storiis. Sabide ai 14 e domenie ai 15 a tornin i spetacui di “Realtà aumentate”, un progjet fat di Quarantasettezeroquattro in colaborazion cun Goriški Muzej, impegnats te promozion de cognossince storiche dal teritori doprant lengaçs inovatîfs. Li de Cjase Rosse di Gurize e sarà un percors vuidât, “Più vicino da lontano”, fat di Silvia Viviani, par scuvierzi chel confin viert (anzit, sierât) dal 1947 al 1991.A Gnove Gurize invezit si fasarà “Nova Gorica Cold case”, di Riccardo Tabilio e Stefano Beghi, un zûc urban taiât sui spazis e la storie de citât, une esplorazion in forme di “zâl” che si pues fâ sul propri telefonin. (A.I.) – 13.06.2025