A Udin e je scomençade la produzion dal gnûf cine pe television dedicât a Alessandro Volta, cu la regjie di Marco Pontecorvo e produsût di Publispei – publicitât spetacui talians. Il cine, fat cul supuart de Film Commission regjonâl – PromoTurismoFVG, e presente Matteo Martari, protagonist cu la interpretazion dal inventôr. Dopo doi dîs a Udin – tal Cjistiel, in place e te Glesie di S. Jacum e tal Palaç Antonini di Belgrado – la produzion e larà indevant fint ai 22 di Setembar, massime a S. Vît dal Tiliment, dulà che si fasarà la a plui part des ripresis, previodudis tal Teatri Arrigoni e tal Palaç Altan Rota. Il cine al à ancje sielzût altris lûcs, dal borc di Strassolt a cualchi vile venite. La storie e je chê di un sienziât, Volta, clamât de aministrazion austriache a cjapâ sù une sfide impuartante: mudâ la sô ricercje intune invenzion buine di gjenerâ ricjece e progrès. (A.I.) – 24.08.2026
Foto studio Sandrinelli
