A Udin l’unic talian jentrât te ““R&R hall of fame”

Alessandro Cortini, musicist, produtôr, compositôr e produtôr di struments, une des figuris plui influentis de musiche eletroniche contemporanie, al sunarà a Udin sabide ai 30 di Mai tal Teatri “San Giorgio”, par une gnove colaborazion jenfri “Sexto ‘Nplugged”, CSS e CEC, in anteprime dal festival in program a Siest dai 2 ai 5 di Lui. Cognossût pal so sunôr atmosferic e evocatîf, in ecuilibri il “scûr” e la tension emotive cun ritmis che a batin fuart, Cortini al è stât une icone internazionâl par agnorums: in plui di jessi stât par tant timp tal grup american Nine Inch Nails, al à disvilupât une cariere di solist une vore prolifiche, publicant une schirie oparis impuartantis. Intal 2020, Cortini al fo cjapât dentri de “Rock and Roll Hall of Fame” in gracie dal so lavôr cui Nine Inch Nails, jentrant te storie tant che l’unic musicist talian a vê chest ricognossiment. (A.I.) – 29.05.2026