A Udin e Pordenon i cines “di cualitât” de rassegne di Gurize

Te suaze di GO! 2025, Gurize e Gnove Gurize a dan acet di martars ai 30 di Setembar e fint ai 3 di Otubar ai incuintris dal cine “d’essai”, ven a stai “di cualitât”, inmaneâts ogni an de FICE, la Federazion taliane dai cines d’essai. In contemporanie cun chest apontament, i cines de regjon a ufriran uns schirie di anteprimis a ingrès libar cence sore nuie. Al “Visionario” di Udin al sarà pussibil viodi lunis ai 29 “E.1027 – Eileen Gray e la casa sul mare”, a “Cinemazero” di Pordenon invezit “La febbre dell’oro” di Charlie Chaplin, in ocasion dal centenari (joibe ai 2 di Otubar ancje a Udin). Miercus al prin di 1 Otubar, a Udin al rive “La divina di Francia – Sarah Bernhardt” e a Pordenon “Un poeta” e il dì dopo la anteprime dal cine zirât a Cividât “La ragazza del coro”, selezionât de Slovenie pai Oscar 2026. (A.I.) – 29.09.2025