A teatri trê storiis di confin fatis dal Mittelfest par GO!2025

Il progjet al è nassût cuasi doi agns indaûr, ideât e diret di Giacomo Pedini, prodot dal Mittelfest par jentrâ tal program di GO! 2025. Une leture dal presint de Europe, tacant dal confin e des vicendis storichis che lu àn creât, intune citât dividude in doi, lâ che si incrosin trê culturis europeanis, “Inabili alla morte/Nezmožni umreti« e je la storie dal continent daspò di doi vueris mondiâls. Il titul al ven di un toc de opare mestre di Joseph Roth, “La cripta dei cappuccini”, l’inizi di une esplorazion dilunc di un secul di storie “dongje” , che di martars ai 16 a joibe ai 18 di Setembar e rive a jessi sierade cun trê spetacui a teatri – dôs replichis e une “prime” – , trê radiodramis par talian e sloven e un libri cun ducj i tescj pal teatri, che al sarà presentât di Bottega Errante vinars ai 19 te suaze di” pordenonelegge”. Il prin cjapitul teatrâl, “La Cripta dei Cappuccini”, e rive in repliche ai 16 di Setembar tal teatri “Verdi” di Gurize, il secont “Alla ricerca della lingua perduta” il di dopo tal teatri nazionâl SNG di Gnove Gurize e joibe ai 18 ancjemò al “Verdi” il debut dal tierç e ultin at “L’alba dopo la fine della Storia” (La albe daspò de fin de storie): il test scrit di Paolo Di Paolo e diret di Giacomo Pedini, che al siere la storie tacade tal prin spetacul. (A.I.) – 15.09.2025