A teatri cun pre Turoldo

Domenie ai 20, al Teatri Benois De Cecco di Codroip, aes 5.30 dopomisdì, la compagnie Anà-Thema e presente “Anima ribelle”, un spetacul teatrâl che al vûl esplorâ e puartâ ae lûs la vite e lis lidrîs furlanis di David Maria Turoldo, soredut il so rapuart cu la mari e cu la int de sô tiere. Il spetacul al è la storie di un om e de sô anime che, passant dut il Nûfcent, lu à segnât cul so inzen e l’impegn multiformi. Il spetacul al è par talian e par furlan, la jentrade e je a ufierte libare (A.I.) – 17.11.2022