209
La 15e edizion dal “Piccolo festival di animazione”, la rassegne dedicade ae ilustrazion e ae animazion di autôr, organizade de associazion Viva Comix, e tache sabide ai 12 a sant Vît dal Tiliment cu la inaugurazion de mostre “Disegni animati” e de sezion “Animakids”. Lis proiezions a son ripartidis in diviers programs: di là di chê che e partìs sabide, a son la Main Competition, AnimaYoung, Green Animation e Visual&Music, la sezion cu lis animazions dulà che al è plui fuart il leam tra vision e musiche. I cines si podaran viodi al Visionario di Udin, Cinemazero a Pordenon, Kinemax a Gurize, Ariston a Triest e in centris culturâi di Staranzan e Sant Vît. (A.I.) – 10.11.2022
