“Tal ‘Verdi’ no je mai la solite musiche!” al è il sproc che al compagne la selezion artistiche ideade dal consulent musicâl dal Teatri “Verdi” di Pordenon, Alessandro Taverna. Lu dimostre il conciert in program sabide ai 15 che al à tant che protagonist solist une vere stele mondiâl, il violinist Ray Chen, nassût a Taipei ma cressût in Australie, che al scree un percors musicâl cul violin al centri che al passe dut il cartelon musicâl, zontant i grancj interpretis de viele e chei de gnove gjenerazion. Ray Chen, in assolût un dai plui grancj talents dal violin de sô gjenerazion e ancje “influencer” cuntun milion di followers che i van daûr, si esibirà cu la Orchestre de Svuizare Taliane vuidade di Tabita Berglund. (A.I.) – 14.02.2025
Foto di J. Mac
