A Pordenon un cine mut al mês

da Andrea Ioime

Di passe cuarante agns, apassionâts e studiôs di dut il mont a vegnin a Pordenon pes Zornadis dal cine mut (“Le Giornate del Cinema Muto”, la rassegne che e fâs tornâ a vivi l’incjant de conte dome cu lis imagjinis prime dal sunôr. Invezit di circoscrivi la pussibilitât di viodi e di tornâ a viodi i grancj cines dal Mut dome intun event par an, Cinemazero al à decidût di dâ spazi une volte al mês, lant a cirî e a sielzi lis peliculis di cent agns indaûr. Vie pal 2024 al sarà duncje proietât cualchi cine innomenât dal 1924, tacant martars ai 5 cun “L’ultima risata” di Friedrich Wilhelm Murnau. Po dopo, fint a Mai, oparis dai mestris John Ford, René Clair, Ernst Lubitsch, ducj cuntune introduzion critiche. (A.I.) – 04.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui