La anteprime e je za stade un pâr di setemanis indaûr, cu la scree de grande mostre dedicade a liende Miles Davis, vierte fint ai 12 di Lui te vile Cattaneo, là che a saran ancjemò incuintris, laboratoris, visitis vuidadis, Dai 28 di Mai e fint ai 4 di Jugn e tache ancje “Jazzinsieme”, la rassegne inmaneade de associazion culturâl Blues in Villa, che te suaze des iniziativis viers Pordenon capitâl de culture 2027 e puartarà il miôr dal jazz, talian e no dome, intune citât che e devente un grant palc par concierts piçui e grancj, Dj di dutis lis bandis, cualchi cine “a teme”, lis “vuidis sonoris de citât” e cetant altri. Lis seradis sul palc principâl a tachin joibe ai 28 e vinars ai 29 te piazza della Motta cun La Band de Pigalle, par un conciert di scoltâ, cjalâ e balâ, e Funky Football, omaç al disc mai jessût di Miles Davis, cun ospit Steven Bernstein, trombe visionarie de sene contemporanie. I concierts plui impuartants si fasaran sul palc de Arena Calderari: sabide ai 30 la batarie di Simon Phillips & Protocol 6 jenfri jazz-rock e fusion; domenie ai 31 Enrico Rava cul so gnûf progjet Fearless Five e al prin di Jugn. Ai 4 di Jugn, tal palaç dal Fumet, conciert solidari cun Giacomo Ganzerli Trio, ma il program si slargjarà par dut l’Istât ancje a Aquilee, Monfalcon e Spilimberc. (A.I.) – 26.05.2026
Foto di F. Moret
