A Pordenon il teatri al è des feminis

Sabide ai 18 e tache la vincjesime prime edizion de rassegne “La scena delle donne”, l sene des feminis, une des plui vecjis in Italie di chês dedicadis ae culture feminine tes arts performativis. Direte di Bruna Braidotti e inmaneade de Compagnia di Arti e Mestieri di Pordenon, chest an e propon 27 apontaments – spetacui, leturis, incuintris… – fint ai 14 di Dicembar: 20 a Pordenon, 7 dentri e fûr de regjon. Par scuvierzi il materni tant che font di vite, la rassegne e larà indevant di lidrîs antighis e fint a gnovis visions. La scree cul prin di trê incuintris te sale “Teresina Degan” de biblioteche di Pordenon par fevelâ di maternitât cun Marina D’Amelia. Il prin spetacul tal “Capitol” joibe ai 23 : “Mamma ma!” di Massimo Andrei cun Daniela Ioia. (A.I.) – 16.10.2025