A Pordenon il cine su la invasion de Ucraine

Dopo de muart tragjiche di Alexei Navalny, l’opositôr principâl di Putin, Cinemazero al torne a impiâ i rifletôrs su la vuere in Ucraine cul pluripremiât documentari “20 Days in Mariupol”, votât miôr documentari ai British Academy Film Awards e candidât ai Oscars. Joibe ai 22 il cine al ven proietât in ocasion dal aniversari de invasion de Ucraine, inte suaze di “Spietant Pordenon Docs Fest”. Cul so lavôr, il gjornalist e regjist ucrain Mstyslav Chernov al à contribuît a contradî la disinformazion russe, contant dal interni i vincj dîs dentri de citât sot assedi. (A.I.) – 21.02.2024