La 18e edizion di FMK, il festival internazionâl di curtmetraçs di Cinemazero, si siere joibe ai 28 di Lui cu la tierce zornade, plene di apontaments, e la premiazion dai vincidôrs. Di matine, i protagoniscj a saran i fruts che, sot de conduzion da la artiste Martina Zena, si metaran in vore in Mediateca a Palaç Badini. Lis ativitâts a van indevant in Mediateca aes 4 di dopomisdì cu la masterclass di Cosimo Bruzzese. Aes 6.30 dal dopomisdì, FMK si môf ae Urban Farmhouse par un dibatiment sui gnûfs lengaçs par contâ il cine di vuê. Aes 9.30 di sere, al spazi UAU! In vie Brusafiera, la proiezion dai curts in concors e l’anunzi dai vincidôrs de bande de jurie, componude dai miôr talents dal cine in Friûl Vignesie Julie: Lorenzo Bianchini, Stefano Giacomuzzi e Laura Samani. (A.I.) – 27.07.2022
A Pordenon i premiâts dal festival di curtmetraçs di Cinemazero
167
