A “Lenghis” une storie sul confin

Une storie sul confin, che e fevele de Europe ai timps de cortine di fier, des bausiis familiârs e coletivis e des ossessions leadis ae memorie e ae identitât. La seconde anteprime di “Lenghis – Festival dal Teatri des Lenghis Minoritariis”, il prin dedicât dome aes lenghis minoritariis, inmaneât dal Teatri Stabil Furlan cu la colaborazion dal Ert, l’Ent Regjonâl Teatrâl dal Friûl-Vignesie Julie, e je il spetacul “Alla ricerca della lingua perduta” (ae ricercje de lenghe pierdude), di Goran Vojnović e pe regjie di Janusz Kica, che al va in sene in prime nazionâl joibe ai 15 tal Palamostre di Udin. E je la seconde part de trilogjie “Inabili alla morte” (Inabii ae muart), il progjet ideât di Giacomo Pedini pal Mittelfest: une storie dai agns Sessante di doi fradis che di zovins a àn cjapât stradis diferentis e cumò a vivin ognidun suntune bande dal confine jenfri Italie e Slovenie. (A.I.) – 15.10.2025