A “Lenghis” il teatri si fâs, si conte, si tradûs

Une zornade penze, che di martars ai 28 di Otubar, pal festival “Lenghis” cuntun dopli apontament sot sere e un pâr di altris apontaments. Aes 8 e mieze sot sere tal Kulturni center “Lojze Bratuž” al va in sene “Kaplja soli / Gote di sal”, il progjet de autore e atore triestine Patrizia Jurinčič Finžgar ispirât aes poesiis dal istrian Edelman Jurinčič. Aes 10 e mieze, tal stes lûc, “Cuntzertu / Conciert”, un incuintri di bvôs di no pierdi: chês dal grup sart “a tenores”, Su Concordu Iscanesu, e il cuartet furlan di feminis Anutis: si che duncje, la musiche popolâr de Sardegne si messede cu che (ancje di autôr) furlane. Di buinore aes 11 tal Auditorium de culture furlane e sarà fate la seconde cunvigne dal festival, in colaborazion cul CIRC e la Universitât dal Friûl: “SA-VOLTÂ – La traduzion pal teatri ta lis lenghis piçulis”, dedicât ae traduzion teatrâl. Aes 6 di dopomisdì te cjase Krainer, presentazion de golaine di dramaturgjie contemporanie” Senevierte”, publicade dal Teatri Stabil Furlan e la Forum, cjase editore de Universitât. (A.I.) – 27.10.2025