A Gurize e Gnove Gurize il cine al à une “vision”

E tache martars ai 7 di Otubar la rassegne di cine transfrontalîr “Omaggio a una visione”, Omaç a une vision, inmaneât de associazion. Kinoatelje La vincjesime seste edizion, che e je part dal program uficiâl al di GO!2025, e propon proiezions, incuintris, oparis primis, laboratoris, art, cjaminadis e cetant altri, fint a domenie ai 12. La scree aes 10 di buinore tal Palaç dal cine di Gurize con dôs proiezions de sezion pes scuelis e, ae stesse ore tal Kulturni dom di Gnove Gurize. La presentazion dai curts fats dai zovins pe categorie “Primi voli”, Prins svoi. Tal dopomisdì, l’ultin cine di Francesco Sossai, presentât in anteprime al Festival di Cannes e po dopo, simpri a Gnove Gurize, te gnove cupule dedicade ae scritore Ingeborg Bachmann, la scree de instalazion video “Horizons”. Il premi “Darko Bratina” al larà al virtuôs dal cine ongjarês Béla Tarr e a Yervant Gianikian, ducj i doi cuntun voli diferent sul cine tant che lûc di incuintri des culturis. (A.I.) – 06.10.2025