A Grau une vore di musiche pes fiestis di Nadâl

“Nadal de l’Isola” e je une schirie di events inmaneâts dal comun di Grau e di Vivace Eventi par animâ il centri storic – e no dome – fint ai 6 di Zenâr. Ancje chest an, la stagjon des fiestis e sarà animade di une schirie di spetacui dal vîf, pai abitants e i passionâts di fûr de regjon. Place Biagio Marin e fasarà di palc a cetancj events. Si tache sabide ai 27 aes 7 sot sere cuntun conciert di Penelope e i Diabolici Toupé, po dopo si cambie gjenar domenie ai 28 cun The Colours of Gospel, e la gnot dal ultin dal an, miercus ai 31, si fasarà une grande fieste cu la selezion di Radio Gioconda. Il gnûf an al tache sabide ai 3 di Zenâr cuntun spetacul di cabaret di Gianluca Impastato, intant che domenie ai 4 si torne a sintî musiche cul grup furlan Corte di Lunas che al propon di cuasi 15 agns atmosferis e suns medievâi. (A.I.) – 23.12.2025