A Glemone un filmât su Pape Leone XIII fat tal 1898

Il Cine Teatri “Sociale” di Glemone al torne a tacâ la sô programazion daspò di jessi stât sierât par cualchi lavôr. La Cineteca del Friuli e ufrirà ai spetatôrs la pussibilitât di viodi sul grant schermi lis imagjinis in moviment di Pape Leone XIII, il “pape dai lavoradôrs”, il predecessôr che il gnûf vescul di Rome al à volût riclamâ cu la sielte dal non Leone XIV. A son in dut cuatri minûts di ripresis fatis tal 1898 tal Vatican, che a vegnin de Library of Congress di Washington, in Americhe, là che je conservade une schirie di rodul di cjarte che po dopo, tal 1954, a son deventâts un cine di 16mm. La proiezion e sarà fate prime di “Conlave”, il cine di Edward Berger con Ralph Fiennes, Stanley Tucci, Sergio Castellitto, Isabella Rossellini. (A.I.) – 21.05.2025