A Gardiscje la storie di dôs feminis di confin dal prin ‘900

da Andrea Ioime

Inte Sale Bergamas di Gardiscje, pe rassegne ‘Innesti’, e debute la ultime produzion di ArtistiAssociati – centri di produzion teatrâl, di un progjet di Sara Alzetta: ‘Fannie e Anita’ cu la stesse Sara Alzetta e Daniela Gattorno e lis musichis origjinâls di Max Jurcev. Il spetacul al sarà proponût intes seradis dai 14 ai 16 di Jugn. E je une storie dal ‘900 sul confin orientâl di Italie, contade traviers i voi e lis emozions di dôs feminis – une fie de borghesie austriacante e chê altre proletarie – de fin dal Imperi austroongjarês al prin Dopovuere, fint al regjim fassist. Une storie che no finìs mai e che e torne dongje, tant che, lant daûr de autore, “il ‘900 intai nestris teritoris nol è mai finît”. (A.I.) – 13.06.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui