A Cormòns, un moment di fieste pal jazz

Cont par ledrôs pe 25e edizion dal festival “Jazz & Wine of Peace” dal circul Controtempo, che di miercus ai 19 a domenie ai 23 di Otubar al puartarà 25 concierts cui grancj nons internazionâi e talians dal jazz a Cormons, in variis localitâts dal Cuei talian e sloven, a Gurize, Nova Gorica e Gardiscje. La viertidure cu la ‘Mingus Night’, sot dal segn de gjenialitât di Charles Mingus, artist che al à fat la storie de musiche jazz, intal centenari de nassite, cun tancj artiscj dal Friûl Vignesie Julie sul palc dal teatri di Cormòns. Par celebrâ i 25 agns di ativitât, sabide ai 22 aes 11 di matine, inte sale conferencis de Cantina Produttori di Cormòns si tignarà un avigniment speciâl titulât “Jazz & Wine Festival 25. Storia e storie di un festival senza confini”, une conte corâl cui contribûts in video di grancj artiscj. (A.I.) – 17.10.2022