Cuntun conciert di orghin al va indevant la trentesime seconde edizion dal Festival internazionâl di Musiche Sacre, promovût di Presenza e Cultura in colaborazion cul Centri iniziativis culturâls di Pordenon. “Caritas et Amor” al è il titul dal progjet trienâl che al scomence chest an, cuntun cartelon di concierts dedicât ae sperance (intal 2024 il teme al sarà la caritât, intal 2025 la fede). Joibe ai 26, intal Domo di Sante Marie di Codroip, al sarà di sene il conciert dal mestri spagnûl Josep Solé Coll, un musicist che al à sunât in dut il mont, prin organist de Basiliche papâl di Sant Pieri in Vatican e organist pes celebrazions Liturgjichis dal pontefiç. (A.I.) – 25.10.2023
A Codroip al sune l’organist dal Pape
114