A Aquilee un orghin al sune dome Bach

Tierç apontament de rassegne dai “Concierts in basiliche” inmaneâts de Societât pe conservazion de Basiliche di Aquilee adun cu la Coral polifoniche di Rude. Al sarà ancjemò un apontament dedicât ae musiche par orghin di glesie, cul organist belghe Jan Vermeire, che vinars ai 18 al sarà te Basiliche di Aquilee e il dì prime, joibe ai 16, al sunarà ancje tal santuari sloven di Sveta Gora, intune dople date transfrontaliere in sinergjie cun Go!2025. Vermeire al è un dai esperts europeans de musiche di Bach e vie pe pandemie al è tacât il progjet “BACH InteGRAAL”, par sunâ dute la musiche par orghin scrite dal compositôr todesc. (A.I.) – 16.07.2025