La Cuesture di Udin è à pandût vuê la gnove che joibe passat ai 12 di Març al è stât arestât un zovin talian di 26 agns acusât di fraude ingriviade, in graciis di une operazion pardabon brilant.
Lis investigazions fatis dal personâl de Scuadre mobile e vevin permetût di individuâ un om che cu la tecniche dal carabinîrs fals al veve convinçude une siore intimpade a dai dutis lis zoiis tignudis in cjase par evitâ che e fos acusade di rapine fate dentri di une buteghe dal oresin fate doprant la machine de femine.
Dilunc de matine di joibe i agjents a àn individuât tal centri di Udin il suspietât che al lave fûr di corse di une cjase par lâ bande de autostrade, si pense par scjampâ.
A chel pont i poliziots i son lats daûr e in graciis dal jutori dai coleghis de Polizie stradâl di San Donâ di Piave lu àn blocât li dal casel di Meolo.
Il delincuent prime di jessi fermât al varès cirût di butâ vie lis zoiis butant dut fûr de barconete, ma i agjents a àn viodût dut e a a àn rivât a recuperâ la robe. L’om al è stât arestât e puartât daurman in preson a Vignesie, intant che lis zoiis a son stadis tornadis ae siore di Udin. (a.d.g.) – 16.03.2026
