Trê gnovis nâfs di crosere pai cantîrs di Monfalcon

I cantîrs de Fincantieri di Monfalcon a àn une gnove grande ordenazion parcè che a varan di fâ sù trê gnovis nâfs di crosere zigantis pe aziende Princess Cruises.

L’acuardi tra lis dôs grandis impresis al vâl plui di doi miliarts di euros e al è stât formalizât pe ocasion dal event Seatrade Cruise Global di Miami tai Stâts Unîts.

Ognidune des trê nâfs, dutis de classe Voyager, a varan un tonelaç sporc di plui o mancul 183 mil toneladis, e podarà dâ acet a plui o mancul 4.700 passizîrs e il so motôr al larà cul gas naturâl disfat, ven a stâi la tecnologjie plui indenant che e sedi cumò su scjale industriâl. Lis nâfs a saran consegnadis tal 2035, 2038 e 2039. (a.d.g.) – 16.04.2026