74
Tal puart di Triest il Comant provinciâl de Vuardie di finance e i funzionaris de Agjenzie des Doganis e dai monopolis a àn cjatât e secuestrât dîs chilos di spagnolets di cuintribant. Il caric al jere stât platat dentri dai parecolps dai rimorchis e dai motôrs di doi Tir che jerin partîts dal puart turc di Anbarli. I spagnolets a jerin destinâts al marcjât de Union europeane e a son stadis secuestradis parcè che no vevin lis autorizazions pal cumierç e a jerin ancje plenis di catram e nicotine.
Fondamentâl il jutori dât di Lorgan, un cjan di pastôr todesc in servizi cu la Vuardie di finance.
I doi vuidadôrs turcs che e jerin in viaç bande Belgjiche e Olande a son stâts denunziâts ae autoritât judiziarie. (a.d.g.) – 05.06.2025
