Une cjame di cuasi un milion di tocs di vistîts e acessoris di mode falâts, che e a riprodusevin cun cure marchis innomenadis al è stât cjatât tal puart di Triest dai agjents de Vuardie di finance e dal personâl de Agjenzie de dogane. La robe, che se e fos rivade sul marcjât e varès frutât passe 100 milions di euros, e je stade secuestrade dentri di cinc containers diferents che a rivavin de Turchie e de Olande. I tocs a jerin platâts daûr di un parêt di altre robe declarade.
Si trate di bregons, cjamesis, pigjamis, baretis, cinturis e mais che a vevin intro lis marchis di Adidas, Burberry, Calvin Klein, Chanel, Christian Dior, Dolce e Gabbana, Fendi, Gucci, Guess, Louis Vuitton, Moncler, Prada, Versace e cetancj altris. A son stâts i rapresentants des marchis e visâ che la robe e jere stade falade une vore ben e che e podeve ingjanâ i consumadôrs. (a.d.g.) – 28.04.2025
