73
Tor des 6.40 di vuê di buinore un sclop une vore fuart al à rote la cuiete inte perifarie di Pordenon, mandant a tocs i veris dai barcons di un apartament in vie Goldoni. Subite dopo a son rivadis lis flamis dal imobil al secont plan di une palacine. Rivâts daurman i vigjii dal fûc e il personâl dal 118 cun ambulance, auto mediche e l’elisocors.
I pompîrs a àn doprât une autoscjale par studâ il fûc e par socori l’om restât ferît dentri de cjase, un autist rumen di 40 agns che al jere incussient.
Su lis causis dal fûc si pense che a sedin causadis di une fuide di gas. Dute la int che e jere a sta intal condomini di sîs apartaments e je stade fate jessi fûr, ma a àn podût tornâ dentri vie pe matine sul tart. (a.d.g.) – 20.05.2025
