“Puart di Noiâr si cjate intun moment une vore impuartant: di une bande il fat che i lavôrs a vadin indenant al conferme l’impegn economic e tecnic; di chê altre a restin vierts i problemis di manutenzion par permeti a Puart Noiâr di vê un fondon a cuote mancul 7,5 metris. Chestis criticitâts a vadin frontadis in timps sigûrs. Dome midiant une azion integrade e di dialic tra Regjon e Cjapitanerie di puart al sarà pussibil garantì che il puart al vedi une pescjade stabil e une manutenzion programade buine di evitâ gnovis interuzions tal medi tiermin”.
Chest al è il comment dal president di Confindustria Udine, Luigino Pozzo, che vuê, compagnât dal so vice Nicola Cescutti e dal diretôr gjenerâl Michele Nencioni, al à partecipât al incuintri a Triest, promovût dal assessôr al Ambient Fabio Scoccimarro, presints ancje la Cjapitanerie di puart e i tecnics de direzion regjonâl Infrastruturis e teritori par fa il pont sui lavôrs di dragament a Puart di Noiâr. I lavôrs a stan lant indenant par sbassâ il fondon fin ai 7,5 metris. (a.d.g.) – 23.07.2025
