Une domande di valutazion dal impat ambientâl e je stade presentade par fâ su un implant eolic di 28,8 MW intes Vals dal Nadison e par un sisteme di cumul di 20 MW. Il progjet clamât “Pulfar” al previôt la costruzion di cuatri palis eolichis altis in dut 200 metris (119 il pâl e 81 metris la pale) che al à za fat impiâ la oposizion dal M5S e di Europa Verde.
“Ce che nus maravee – a àn sotlineât Claudio Vicentini, puartevôs di Europa verde Fvg e Cristain Sergo, coordenadôr provinciâl dal M5S di Udin – al è il teritori che al cjape dentri i Comuns di Pulfar, Torean, Cividât, Muimans e S. Pieri dal Nadison, nol è dentri di chei judicâts bogns de leç regjonâl numar 2 dai 4 di Març di chest an, che al individue lis zonis pai implants dedicâts aes fonts rinovabilis. Il Friûl-Vignesie Julie nol è considerât adat pal eolic par vie dai aiars masse fuarts. Par di plui chest implant si cjatarès a mancul di 7 chilometris dal sît Unesco di Cividât e dongje di arbui monumentâi e ai prâts di Graguenza di interès paisagjistic alt”. (a.d.g.) – 09.07.2025
