Pôre ancje in Friûl pal taramot intal Adriatic

Si è sintude ancje inte nestre regjon la fuarte scosse di taramot regjistrade aes 7.07 di buinore intal Adriatic, al larc di Senigallia (21 chilometris a NNE), a une profonditât di 8 chilometris. La scosse e je stade stimade dal Ogs in 5.7 grâts. Un secont savoltament, di 4 grâts, si è regjistrât aes 7.13 simpri intal Adriatic, ma cun epicentri plui a Nord, al larc di Rimini. Lis clamadis ae Sale operative regjonâl de Protezion civîl e ai operadôrs dal Nue 112 a son stadis numerosis, soredut di Grau, Triest e Codroip. Al moment, in regjon no si segnalin dams a robis o personis, viodude ancje la distance (cuasi 200 km) dal epicentri. Pôc plui di une setemane indaûr, al 1n di Novembar, cuasi dut il Friûl al veve tremât par une scjassade cun epicentri a Torean.  (A.I.) – 09.11.2022