Un om restât fulminât dentri de ex gjave Vidoni al è stât puartât cun urgjence tal ospedâl di Udin in cundizions seriis ancje se nol è in pericul di vite.
Il ferît al è stât socorût dal personâl sanitari rivât sul puest pôc dopo des 6 di sere di vuê intal vecjo stabiliment sierât di une vore di agns pôc lontan dal parc dal Tor, zone une vore frecuentade di chei che a corin, fameis e int cul cjan.
La scjarie eletriche e à ancje fat la vie la corint inte zone, causant il mal funzionament dal semafar plui impuartant di Beivârs, tant che par garantî la sigurece a son rivâts i agjents de Polizie locâl di Udin.
A son di sclarî lis causis dal incident, sot investigazion par cure dai agjents de Scuadre mobile e dai Vigjii dal fûc. (a.d.g.) – 08.07.2026
