Nuie ce fâ pal referendum

I cinc referendum no son rivâts al quorum dal 50% plui un di chei che a puedin votâ.

Aes trê di dopomisdì, tal moment che si son sieradis lis urnis, la afluence in Italie e je rivade pôc parsore dal 30%. Un valôr plui alt di chel che al è stât regjistrât in Friûl-Vignesie Julie, indulà che o sin rivâts dome al 27%. La regjon indulà che a àn votât di plui e je stade la Toscane cul 39% di afluence, chê cu la percentuâl plui basse il Trentin-Sud Tirôl cul 20%.

Tornant ae nestre regjon, la afluence plui alte e je stade in provincie di Gurize cul 31%. A vegnin daspò Triest cul 29%, Pordenon cul 27% e Udin cul 26%. (a.d.g.) – 09.06.2025