Al è muart dopo jessi stât cjapât in plen di une machine e jessi butât a tiere Battista Ilo Bomben, il pensionât di 88 agns, a pôcs metris di cjase sô.
Ce che al è sucedût al è ancjemò sot investigazion, ma al somee che pôc dopo des sîs e mieze di sere Bomben al sedi stât cjapat implen di une machine intant che al stave lant bande dal centri dal paîs e al stave traviersant la strade. Ae vuide de auto une siore di 63 agns che e rivave di chel altri sens, ancje je dal puest, e che e à dit di no vê viodût la biciclete.
Sul puest e je rivade une ambulance, le auto mediche e l’elicotar che nol à podût cjapâ tiere par vie dal maltimp. Lis cundizions dal oms a jerin une vore griviis tant che al è muart pôc dopo jessi rivât tal ospedâl di Pordenon. (a.d.g.) – 02.09.2025
